Хоггүй, хөрсний бохирдолгүй Монголын төлөө уриатай ажиллаж буй Үндэсний үйлдвэрлэгч “Plastic Center” ХХК “Баялаг бүтээгчдийг дэмжих холбоо”-нд гишүүнээр элслээ.

Хоггүй, хөрсний бохирдолгүй Монголын төлөө уриатай ажиллаж буй Үндэсний үйлдвэрлэгч “Plastic Center” ХХК “Баялаг бүтээгчдийг дэмжих холбоо”-нд гишүүнээр элслээ. 

Үүсгэн байгуулагдахдаа салбартаа анхдагч болж гарч ирсэн  “Пластик центр” ХХК нь 2016 онд үүсгэн байгуулагдаж  хаягдал гялгар уут дахин боловсруулах хуванцар хийцийн үйлвэрлэлийн чиглэлээр үйл ажиллагаагаа эхэлсэн.

Хог хаягдал болон нүхэн жорлонгоос үүссэн хөрсний бохирдол нь Монгол Улсын тулгамдсан асуудал болоод байгаа.  Тэр дундаа гялгар уут, хуванцар нь  хөрсөнд 400 жил шингэдэггүй хөрс, агаар, усыг маш ихээр бохирдуулдгаас гадна түүний байгаль орчинд учруулах хор нөлөө нь 1000 жилээр хэмжигддэг нь  аймшигтай. 

Тус байгууллага нь энэхүү хоёр том асуудлыг нэг дор шийдвэрлэхийг зорин хаягдал гялгар уутыг дахин боловсруулж нүхэн жорлонгийн доторлогоо болон бохирын хуванцар кольцо, худгийн иж бүрдэл, шилжүүлэгч таг, траншейний таг үйлдвэрлэж байна. Мөн хаягдал гялгар уут байнга худалдаж авч, дахин боловсруулалтанд оруулдаг. 

Өнгөрсөн хугацаанд  500 тонн орчим гялгар уут дахин боловсруулсан ба  “Бохирдлоор бид бохирдлыг шийднэ”  уриатайгаар нүхэн жорлонгийн доторлогоо болон бохирын хуванцар худгын иж бүрдэл зэрэг бүтээгдэхүүнээрээ 800 гаруй өрхийн хөрсний бохирдлын  асуудлыг шийдвэрлэсэн хөдөлмөрч хамт олны “Баялаг бүтээгч” нэвтрүүлэгт өгсөн сонирхолтой ярилцлага тун удахгүй хүрэх болно. 

Холбоо барих:

Сошиал хуудсууд:

ХОГГҮЙ МОНГОЛЫН ТӨЛӨӨ ХАМТДАА