Япон Улсын Засгийн газрын санхүүжилтээр (иений хөнгөлөлттэй зээл) барьж байгуулсан “Чингис хаан” Олон улсын нисэх буудал маргааш буюу 2021 оны долдугаар сарын 4-ний өдөр ашиглалтад орж, анхны нислэгийг Улаанбаатар-Токиогийн чиглэлд МИАТ ХК үйлдэхээр боллоо.
Шинэ нисэх буудлын товч танилцуулга:
- Нийт санхүүжилт: 65 тэрбум 657 мянга иен
- Төсөл хэрэгжсэн хугацаа: 2013.06(эхлэлт) 2020.04(дуусалт)
- Зорчигч үйлчилгээний терминалын барилгын талбайн хэмжээ: 35,300 м2 (жилд 2 сая зорчигч хүлээн авах боломжтой)
- Хөөрч буух зурвас: 3,600м урт, 45м өргөн, нэг зурвас
- Перрон: 104,200 м.кв
- Нислэг хөдөлгөөний удирдлагын цамхаг, шатахуун хангамжийн гидрант системийн байгууламж, ангарын барилга, засвар арчлалтын тоног төхөөрөмжүүд, гал унтраах, авран хамгаалах албаны барилга, дулаан хангамжийн барилга байгууламж, нисэх буудлын аюулгүй ажиллагааг хангах бусад байгууламжууд
- Төслийн зөвлөх: “Азүса СэккэйХК Ориентал Консалтанс Глобал ХК” түншлэл
- Ерөнхий гүйцэтгэгч: “Мицүбиши ХК-Чиёода ХК” түншлэл
.jpg)
Нислэг үйлдэх авиа компаниуд:
- MИАТ ТӨХК
- Aero Mongolia
- Hunnu Air
- Eznis Airways LLC
- Air China
- Aeroflot
- Turkish Airlines
- Korean Air
- Asiana Airlines
- Air Busan
- SCAT Airlines
- Angara Airlines.
Шинэ нисэх буудлын үйл ажиллагаа эхлэхтэй холбогдуулан нийтийн тээврийн үйлчилгээг иргэдэд хүргэх зорилгоор 2021 оны долдугаар сарын 4-ний өдрөөс эхлэн Улаанбаатар-Шинэ нисэх буудал-Улаанбаатар чиглэлд дараах 4 чиглэлээр нийтийн тээврээр үйлчилнэ.
